הקדמה לפרק חלק

[ המקור הערבי ] ראית באן אתכלם הנא פי אצול כת'ירה מן אלאעתקאדאת ג'לילה אלקדר ג'דא . ( א ) אעלם אן אהל אלשריעה אכ'תלפת אראהם פי אלסעאדה אלתי ינאלהא אלאנסאן באמתתיאל הדיה אלשראיע אלתי שרענא אללה בהא עלי ידי משה רבינו , ופי אלשקאוה אלתי תלחקנא ענד אלתעדי עליהא , אכיתלאפא כת'ירא ג'דא עלי חסב אכ'תלאף אלעקול , ותשושת פי ד'לר אלאד'האן תשושא כת'ירא , חתי אנך יכאד לא תג'ד בוג'ה שכ'צא צפי לה הד'א אלבאב , נעם ולא תג'ד פיה כלאמא מרסלא לאחד אלא עלי תשויש כתייר . פטאיפה תעתקד אן אלסעאדה אנמא הי גן ועדן , ואנה מוצ'ע יוכל פיה וישרב דון שקא ג'סם דון תעב , ואן יכון פיה ביות מן אחג'אר עאליה ומנאבר חריר , ואנהאר תג'רי מן כימר ואדהאן טיבה , וכת'יר מן הד'א אלנוע . ואן אלשקאוה גהנם , ואנה מוצ'ע מאגיג' נארא תחרק פיה אלג'ת'ת' ויתעד'ב אלנאס פיה אנועא מן אלעד'אב יטול שרחהא . ותסתדל הד'ה אלטאיפה עלי הד'א אלאעתקאד באקאול כת'ירה מן אקאול אלחכמים עליהם אלסלאם תטאבק לעמרן ט'ואהרהא דעואהם או אכת'ר , וטאיפה ת'אניה תעתקד ותט'ן אן אלסעאדה אלמתרג'אה אנמא הי ימות המשיח מהרה יגלה , ואן ד'לר אלזמאן יכון אלנאס כלהם מלוך דאימי...  אל הספר
הוצאת שילת - מעלה אדומים