כח טו והיה אם - לא תשמע בקול יהוה אלהיך לשמר לעשות את-כל - מצותיו וחקתיו אשר אנכי מצוך היום ובאו עליך כל-הקללות האלה והשיגוך : טז יז ארור אתה בעיר וארור אתה בשדה : ארור טנאך ומשארתך : יח ארור פרי - בטנך ופרי אדמתך שגר אלפיך ועשתרת צאנך : יט ארור אתה בבאך וארור אתה בצאתך : כ ישלח יהוה | בך את - המארה את - המהומה ואת - המגערת בכל-משלח ידך אשר תעשה עד השמדך ועד - אבדך מהר מפני רע מעלליך אשר עזבתני : כא ידבק יהוה בך את - הדבר עד כלתו אתך מעל האדמה אשר-כב אתה בא - שמה לרשתה : יככה יהוה בשחפת ובקדחת ובדלקת ובחרחר ובחרב ובשדפון ובירקון ורדפוך עד אבדך : כג והיו שמיך אשר על - ראשך נחשת והארץ אשר - תחתיך ברזל : כד יתן יהוה את - מטר ארצך אבק ועפר מן - השמים ירד עליך עד השמדך : כה יתנך יהוה | נגף לפני איביך בדרך אחד תצא אליו ובשבעה דרכים תנוס לפניו והיית לזעוה לכל ממלכות הארץ : כו והיתה נבלתך למאכל לכל - עוף השמים ולבהמת הארץ ואין מחריד : כז יככה יהוה בשחין מצרים ובעפלים ובגרב ובחרס אשר לא-תוכל להרפא : כז ] ובטחרים כח יככה יהוה בשגעון ובעורון ובתמהון לבב : כט והיית ממשש בצהרים כאשר ימשש העור באפלה...
אל הספר